!!..( من رحلتي )..!!

[عبدالعزيز الدهمشــي]

" محاوله " ..
" اردت لها ان تتقلد شرف وجودها بينكم " ..

من رحلتي والضياع يداعب اطراف الخفوق = ومن رحلتي والمشاعر بالحنايا مبهمه

حبيبتي ..
ياحبي الغايب كفى ..
مالي على الدمعه صبر ..
وماللصبر فيني وفا ..
وماللوفا غير الدموع ..
كم أشعل الوافي شموع ..
في ليله الدامس لاجل:
" يسهر على جمر الرجوع " ..
كم عذّبته الذكريات ..
وكم فرّحته الامنيات ..
وكم عاش بالدنيا وحيد ..
يجمع من الماضي شتـــــات ..

حبيبتي ..
بأشرح لك الحال التعيس ..
دنيا بلا خل وونيس ..
مثل الصحاري الخاليه ..

ومن دون (ليلى) .. مثل (قيس) ..

من عام والدمعه معي ..
تمشي بلا حسّ ووعي ..
مثل العصا بيد الكفيف ..
ومثل الصِلــــه بين " أضلُعي " ..

حبيبتي ..
هذا أنا ..
شاعر روى ضيم وعنا ..
لافرح .. لاضحك .. وهَنَا ..
حبيبتي ..
هذي يدي ..
حتى القلم ..
فيها ترك ..
هم وألم ..

حبيبتي ..
بأقولها لك بأختصـــــــــار ...

من رحلتي والقصيد يراود القرطاس " هــمّ " = ومن رحلتي والخفوق يسامر الدمعات " ضيقه "
مابقى للفرح شكل ولابقى بالكون " غـــمّ " = ولابقى للضحك درب ولا وسيط ولا " طريقه "

ياغايبه ..
جرح الجفا صاب العيون ..
لي عام ..
واشواقي على كفّ الجنون ..
أرسم الم ..
وأمحي أمل ..
والجرح ماعنده خجل ..
يسطي على القلب ويمون ..
يجرح على مايشتهي ..
لا ردع.. لاكفّ ونهي ..
وانا البس الوجه البهي ..
والناس تحسبني سعيد ..
مايعلمون ..
ان الشقى فيني " بلد " ..
صرنا كما " أب " وولد " ..
مات الصبر مات الجلد ..
كم تخفي الضحكه شجون ..

انااا مع الدمعه وليد ..
هي فرحتي وقت الهموم ..
عمرك سمعتي يالغلا ؟! :
" شخصِ من الدمعه سعيد؟!! " ..
هذاك انا ..
من كثر مافرحي جفى ..
صار البكى أوفى صديق ..
ان ضعت الاقي به طريق ..
وان متّ ..
بدموعي غريق ..

ياوقت ..
جيتك جريح أبسألك ..
وش ذنب خفّاقٍ هَلَكْ ؟1..
يرجي من ايامك حبيب ..
في مهزلة حكمٍ عجيب ..
ابسألك ..
ياوقت قلّي ويش لي؟ ..
وأيضا أبسأل ويش لك ؟ ..
يعني بكلمه من " وضوح " ..

ياوقت قلّي " وش تبي " ..

يادهر من جوف قلبي وش تبي ؟ = دام فرحة خافقي صارت سراب
عشت همّي والقهر وانا صبي = وأحتويت المعمعه وآنا شباب

والان انا توّي شباب ..

والله يستر ...




يادهر ..



وش بيصير اليا كبرت وراسي من الهمّ " شااااااااب " ..




وش بيصير ..
أبنتظر ..

والله يرزقني عمر ..
والله يرزقني فرح ..
والله يرزقني صبر ..

عذراً على هذياني ..

عبدالعزيز الدهمشي

[باسم المحمدي]

الله الله الله

بحق تحفة

وحروف من ذهب

بقلم

المبدع

عبدالعزيز الدهمشي

تاهت حروفي

بين هذه الفاتنة

حتى أضعت كل حروف الهجاااء

هنا

سحر الحروف

عذب الحروف

وفتنة الشعر

رائع رائع رائع

فاتنة جديدة

من

المبدع

عبد العزيز الدهمشي

صح الله لسانك وقلبك واحساااسك



مــــع شـــكــري وتــقــديـــري

الـــرحـــال

[شاعرالبدر]

وين انتْ رايح وين ،، وينْ..

!
!
.
تكفى..فديتْ ارضِ عطتْ
حرفْك !! ..جنونْك. !! .ضحكْتك

يرحمْك يا عودِ وطتْ
رجلْه..فيافي وازْهرتْ

ابوكْ .........ياعبدالعزيزْ....
يومْ انتْ ..في حرفْك عزيز
سلبْت ..من باقي ...حروفي...صرخْتي
واشقيتني..ياصاحبي...بالحيلْ ( والله اشقيتني)

كتبْت عني رحلتي...واوفيت منْ روحي ..حياهْ

اعلنتْ صرخْه قصتي...والحزنْ ( منْ مثلي جناهْ)

ياصاحبي..لولا الرياحْ..
ماهتزتْ...أغرور النخيلْ

ياصاحبي..لولا الجراحْ...
ما ضحكْ بالدنيا بخيل...



ياصاحبي...هذا انا!!!
فيني ...منْ الدنيا وسومْ....
والبارحه...اخره محطّات السفْر
جيتْك اسمْعك العلوم...
ومنْ اقبلْ...اتمْتمْ...ويش اقولْ!!
لقيتْ...حرفْك...قصتي
مدري..نسيتْ البارحهْ
والاّ!! ..بكيتْ من الذهولْ



يابعدْ راسي..كتبْت ولا كتبْت ..الاّ عطاياْ
----------والعطايا..منْ سماء..والارضْ..تبكي..منْ عطاها

آآآه يابعدْ العزيز..الموتْ يسكنْ بالحنايا
---------- ليه؟ ليه؟ انْ الجبال..تهابْ منْ ليــــــــلِ غشاااهااا




( عذرا لهذيانْ اصابني)

[بدر غــــازي]

عبدالعزيز
بالله عليك ماذا تريدنا ان نقول؟
جميله؟
رائعه؟
فذذه؟
جنون؟

لالالا
انت بهذه وبتلك تجاوزت حدود الابداع


رائع بحضورك وروحك الطاهره ياعبدالعزيز

صح روحك شاعرنا الوافي ولاهان كفك

اخوك
المفارق

[عذبْ الكلامْ]

عبدالعزيز الدهمشــي

تسلم يمينك .. وصح لسانك .. وصح بوحك وحرفك

من جفاني النوم
يعني بعد فرقاك بيوم
وقبلها عيني ماغفت ألين اليوم
بأختصار
عالمي صارت به علوم

حلم أنا كنت فيه عايش
بس ياطيبه به كنت متعايش
فيني نبض الحياة واتهاوش

معك

كان الحلم له ذوق
والحب مزروع بالشوق
والشمس دايم في شروق

الهوى ودرب الغلا
والسهاده والهناء
والضحكة اللي ترسم لي طريقي في صفاء

بعدك

عكس كل اللي كان صار
وزاد الزمان وجار
وأصبحت دنياي قفار

الشقا وردوب العنا
والنزف في دمي غدا
حبر على الورق وكلاً له قرأ

من رحلتي
والدموع أقرب صديق ..للعيون

ارق التحااياا

عذبْ الكلامْ

[عبدالعزيز الدهمشــي]

الرحال ..



مرورك شرف لي ..



اشكرك على اطرائك العذب ..




دمت اخي ..

[ناصر الشاطري]

عبدالعزيز











اسمح لي ان اقول لك

















انت رائع بكل ماتعنيه كلمة رائع



صح لسانك وقلبك ولاهنت يالغالي


اسجل اعجابي وتقديري


تحياتي لشخصك الكريم

[عون القحطاني]

عبدالعزيز الدهمشي

الله
الله
الله

صح بوحك
كلمات لها انفاس الشمس
وهمسات الليل


تعودنا هذا الابداع
وهذا الجنون
حرف يجبر الجميع على متابعته
والانصات لهذا البوح الراقي

مروري هنا مجرد
تشريف بالكتابه
فقد تشرفت عيني بحرفك


دمت متالقا
عون القحطاني

[عبدالعزيز الدهمشــي]

اخي الغالي .. شاعر البدر ..



هذيانك اروع ما ابداعي ..


لا ادري بماذا ارد عليك ..


اقف هنا ذهولا امام هذا السيل من الابداع ..



( أخـــــي ) ..


يشهد الله ان مرورك شرف لي ..


دمت اخي ..

[عبدالعزيز الدهمشــي]

الغالي جدااا // بدر بن غازي ..


عبق مرورك يعني لي الكثيــــــــــر ..


وشذا اطرائك يأخذني من الحقيقه للخيال ..



اشكرك من الاعماق ..



تقبل ودي واحترامي ..



اخوك