محاورة نجم الجدي و مسلم الجهني

[ناصر الشاطري]

نجم الجدي

يا سلامي عليكم سلام انكتب للرجـال المشاكيـل فـي حلّهـا
...............قامت الملعبه والصفوف احتمت وين ذا الشارب اللي حمى لْحيّته
قوم يا مسلم اللغز يبغى شنب وانت كفونْ للالْغـاز فـي حلّهـا
..............وش بلى العقرب اللي سرت ماسرت تنثر السمّ فالجحر عن حيّته

مسلم الجهني

ياهلا مرحبا من سلوم العرب والعرب ياصحيبـي نبـا دلّهـا
...............وكان شبت معارك نقول ابتدت لين نعرف من اللي حمى حميّته
ابشر اني نصيتك وعلمي ذهب وانت تمشي مع الدرب وتدلّهـا
..............والبروق البعيده ليا من نشت لامضى الو قت جاتك ماهي ميّته


نجم الجدي

سوق الاسهم على العرض زاد الطلب والهوامير قامت تطبلّها
................وانت بسْهمك تنظر لها ونْزلت لين للبنـك ماتنفعـك جيّتـه
يا جهينه ترى بحر ينبع قرب مثل سونامي اخـاف ياصلّهـا
................جات حيتانه الهايشه واشْبعت واقْتلت واحدن غاليـه ديّتـه

مسلم الجهني

سوق الاسهم فرح في طرب في غضب وانت تدري عن السالفه كلّها
..............لاتندّم على ايـام راحـت مضـت العمـل حسنتـه ماحيـه سيّتـه
الجدي شاف ينبع وعوّد هرب قال كيـف اسكـن الـدار واحتلّهـا
...............مادرى ان البوابير بالخير جت مير نجـم الجـدي ماصفـت نيّتـه


نجم الجدي

سوق الاسهم فرص مير حامض عنب شفت عساسكم من طرف ملّها
.............بعد مالاح برق الحيا سيّلـت وانبتـت ميـر ضيّـع بهـا ارْعيّتـه
كل نجمن ظهر فالسما ثم غـرب والجـدي فوقهـا مالقـى ظلّهـا
.............مير بعض النجوم احتمت ثمْ حيت ثمّ لفّـت عـن الـدرب وزنيتّـه

مسلم الجهني

ناقتك ليتها سالمه من الجرب يوم تعقد مـن حبـال وتحلّهـا
..............بعض ناس قدرها ليا من حكت وبعض ناس ترى بالجمر كيته
يانجوم السماء صفّقو له بأدب الجدي حالتـه ويـش نعملّهـا
..............مير بعض العرب ليتها جمّلت مارقت بالجبل والوعـد فيّتـه

[بدر غــــازي]

بيض الله وجهك يابوعساف

كان الطاروق مميز بين شاعرين مميزين للغايه امتعونا مساء البارحه حقيقه

صح لسان الجهني والجدي وبيض الله وجهك يابوعساف


احترامي