دلال الفكر فاحت بالقصيد وهيلها مشموم=تساق من الهجوس للي لبدع القاف معتاده
تبا تلقا العميل اللي ينومس في نهار الزوم=ومن طبع الرجال تحب كسب الزود بأراده
الآ يالله طلبتك منطق العقل وعزيز القوم=وهذا مطلب الرجل ومناه وغاية مراده
صواب الحق مثل البدر في ليلٍ كسته نجوم=تلحف بشته انجوم السماء والبدر في زياده
بزود العز بين اهل المعرفه صاحبه محشوم=ويرفع راس من قاله مع اهل الزود ميعاده
له القدر الكبير وافي الشبر وعداه اللوم =صدر مليان طيب وفاللوازم راعي قياده
منار المعرفه مثل الجبال الراسية مزموم=تنصاه العقول الرجحه ماهي بصداده
زعيم الاوله يذكر بها بين الملاء زيزوم=علوم الطيب من يمناه لأهل الطيب منقاده
ينزّه مايقدم عن قبيح المنّ وافي اسلوم=لبس ثوب المعزه بين جمع الناس وافراده
وراع المنّ يبني له بيوتٍ سورها مهدوم=نهار مشيّده واليوم الآخر جاب هداده
يرد اول علومه وألحق التالي وزاد علوم=كما شعر الحبوش اللي يبذ يدين كداده
نصيبه يوم كلٍ له نصيب بكل ليل ويوم=قبل لايشعل النيران قام يكسر شداده
عناوين الجهل موته لحي بعالمٍ مزحوم=هذا موت الحياه اللي يهين الراس وفواده
مناويع الرجال تبين يوم الموقف المحسوم=وهايب من ولي العرش ماهي مدّ نقاده
لياعزيت نفسك عزك الله يوم فرق السوم=وصار العلم يعرف وين مصداره وميراده
تداورنا الليال وكل وليله تأخذ المقسوم=من العمر القصير اللي كتبه الله لعباده
ليال مضحكه وليال تقبل نابها مسموم=ولاندري مع أي الموعد اللي حط مرصاده
ليا حطة رحائلها تشيل الفارس الشغموم=وحيد بلا قريب ولا فزوع اعماله اعتاده
صروح المرجله بين النشاما خطها مرسوم=وهذي قوم نزاله وهذي قوم شداده
اثر ما يبلش الرجال غير الواهم المزعوم=تحلم فالمنام وقام يمسح كل عداده
وانا عبرت من خاطر عن الزله ماهو معصوم=لكن اطلب من المولى القدى واطوّع عناده
لياجات القصيدة من فكر بالمعرفه محكوم=يصير القاف للقاري يخالط شربه وزاده
غازي الشاطري
الإهداءات
العرض العادي
