أخايل المنشى وفـ\العين حرّه=عسى المطر ياتي ويكفي حررها
على ديار ٍ ضيق بالي تسرّه=من عند مبسمها ليااخر نحرها
لاجيتها تنـّشي على القلب غرّه=مع هبّْـت ٍ تدْوي الكبود وقهرها
مع صحبة ٍ ماتستمع للتشرّه=وسولف ٍ فـ\السوق غالي سعرها
سوق المراجل غير سوق المجرّه=فيه المكاسب واضحات ٍ دررها
في مجلس ٍ مدهال للي يمرّه=فيه الكرم والجود ذايع خبرها
من فوق حزمٍ .. قبل مافيه جرّه=فيه العيون (إ)تسج وتسعد نظرها
مابين ديدان ٍ مماليس غرّه=وضح ٍ ترازم مثل.. سحب (إ)بمطرها
تشبع بعد مالنور ليله يصرّه=تبري خفوق اللي همومه حشرها
يالله تكفـْيهم من الدهر شرّه=الرفقه اللي في خفوقي قصرها
خوّه لها في عالي المجد قرّه=ماهي من اللي قاصرات ٍ شبرها
خلْ اللذي يتبع مع الناس جرّه=ناس ٍ عن الشيمات قصـّت جررها
هذا هوى بالي وهذى مسرّه=لو إن هجـْسي غارقه في بحرها
ياوجد حالي وجد قلب ٍ تفرّه=صكـّات بقعاء لين نفسه دمرها
على غرير ٍ سايح الدم ثرّه=وسط الحشا يالين روحي هدرها
لآ شفت زوله .. كل صوتي أجرّه=ياويل قلبي يوم عيني أسرها
منتوق جيد .. وذايب الحـَكـْي سرّه=أتلع وردفه خصره اللي ضمرها
أهيم في طبعه بحلوه ومرّه=طب الجروح اللي تزايد عورها
له مبسم ٍ قلب الهواوي يغرّه=ليت الشفايا تلسعه من جمرها
ياطيب عينه يوم رمشه يزرّه=كن الهدب مايطمع إنه زررها
مابينه وبين القمر فرق مرّه=إلا أنها روحي تشوفه قمرها
ليت الزياره بيننا مستمرّه=لسقيه من لين العروق وعسرها
ياجعل عمره ماتحوفه مضرّه=وياجعل روحي عند روحه قبرها
الله ولا منـّت يتيم المسرّه=حالي بوكلها على اللي سبرها
الإهداءات
العرض العادي
