ياحزن منك العين ماتعـرف النـوم=يامل عيـنٍ دمعهـا اللـي دمرهـا
دمعي فضحني مابقى فينـي أعلـوم=من لـد فـي عينـي تزايـد نثرهـا
كنت أتصاغر كلمة أنسـان مظلـوم=وقمـت أتخيـر بالمعانـي كدرهـا
لوالمواجع نهـر وسيـول وغيـوم=أكبر جروح الأرض عنـدي نهرهـا
وشعبان جرحي ماتوقف معـي دوم=محـدٍ يحـاول يقتـرب ويعبـرهـا
أتكومت في داخـل النفـس بالكـوم=كلٍ يشاهدنـي وانـا طعـم مررهـا
والحزن غيمٍ صار فالجـو مـردوم=وعيني ترقب مدهـا مـن جزرهـا
حد الوناسـه بينهـا ظلـع ورجـوم=وحربي مع الأوجاع رجلي كسرهـا
لوأجمع الفرحه حقيقه مـع أحلـوم=ماكونت لـي قطـرةٍ مـن مطرهـا
من موكب الأفراح أنا صرت محروم=أسبح مع جروحي وأعيش أبحرهـا
تبحربي أوجاعي مع أبدايـة اليـوم=ياهـي سفينـه والهـوى ماعسرهـا
أخر نهاية قصتـي سجـن مكتـوم=ضاعـت مفاتيحـه ولاحـدٍ ذكرهـا
شـعر بدر العيبـاني
الإهداءات
العرض العادي
