فواز المطيري
يالدلبحي نايف مادامك صحيبي..
عيب ٍ على الرجال يترك صحيبه..
ياطيب راسك لو ما انته عتيبي..
لكن ترى علتك ربعك عتيبه..
نايف العتيبي
ياالشاطري فوّاز والعلم غيبـي
الكون من يقدر على كشف غيبه
أنا أحمد الله ماخلقني صعيبـي
خلقني عتيبي وأعسف الصعيبه
فواز المطيري
تصعب عليك اصعيبنا ياحبيبي..
لو ان ّ كل ٍ يلتقي به حبيبيه..
هذا نصيبك يوم هذا نصيبي..
ولا هي على مثلي ومثلك غريبه..
نايف العتيبي
ياصاحبي والعلم في وسط جيبي
علمٍ مايقضي دين ليـه تغزيبـه
لاأنته ولد عمّي ولاأنته نسيبـي
رح دوّر اللي فاالزمن تعتزي به
فواز المطيري
الله يبيضّ وجهك علمي وطيبي..
والله يسوّد وجه علمك وطيبه..
تاكل من يديني وتشرب حليبي..
وماتشكر اللي شربك من حليبه..
نايف العتيبي
عسى رجا من له رجا مايخيبـي
لو بعض أمورك ياالمطاري عجيبه
ياالربع وصف الرجل هذا غريبي
صار أمّ حسب المعطيات الغريبه
فواز المطيري
تذلّ لا جا لك صداي وقنيبي..
والذيب توحي يالعتيبي قنيبه..
والله على ما افعله بك رقيبي..
واخاف اسويّ شي والله رقيبه..
الإهداءات
العرض العادي
