رحى العُمــــر....!

[صالح بن عمار]

بسم الولي بكتب على خيوط الآبلاج.=ارسم لهاجس داخل الجاش راجـي.
من قبل تشرق شمسنا/ عين الافـواج.=تنظر دروب الرزق و الرزق ياجـي.
بالعدل مقسومة بلا زيف واحـراج.=ميزانهـا ثابـت ولابـه عـواجـي
بحر الشعر بين المحانـي لـه امـواج.=يلطم ظلام الجوف بلسـان هاجـي.
تدحم كتوف الموج به كل منعـاج.=تنهج بعلم(ن) ما يجيـه ازدواجـي.
درس"خذيته من رحى العمر منهـاج.=اصبح على هامة هل العرف تاجـي.
هذا الزمن فيه الردى نجـم وهـاج.=والطيب لو هو بالمقـارن سراجـي.
بعض القلوب بهالزمن كنها الصـاج.=معفوفن(ن) ويقول يازين صاجـي .
يضحك بوجهك ليّن الوجه بحجـاج.=وآنته على النيه طليـق الحجاجـي.
والمجلس اللي به سكاكيـن هـرّاج.=يا عله لدولاب سفـوى العجاجـي.
مدهال شذابة عراقيـب وازعـاج.=دوما على الغايـب تـدق المحاجـي
قدر الردي بين المناعيـر مسهـاج .=ماله مع اهل العرف بيـع وخراجـي
ياطيب فال اللي هروجه لها أنتـاج.=سكر يحلي كل بحـر(ن) اجاجـي.
مثل البدر يلمع على وجنـة العـاج.=طلـقْ الحجـاج وبالمعـزه يناجـي.
هذاك له وسـط المعاليـق مـدراج.=يمشي على سندس غـلا ببتهاجـي.
ويقلط على شداد المعـزه وديبـاج.=يقدع غلاته كيف كيف ومزاجـي.
والخاتمه دام السطر خيـط الابـلاج.=بكتب ياليـن الله يجيـب انفراجـي.