بساتين الشعرجادت لنـا بالمنظـر الخـلاب=يشوّق ناظـر الشاعـر بعـد ماهـل ودانـه
يجوز القاف لامنّه تجلـل بالفكـر وانسـاب=على بحر المعاني وابتكـر فكـره وعنوانـه
تفز إله القريحه كل ما جاز ورقـى المرقـاب=كما فزّة كريـمٍ فـزّ لأجـل قـدوم ضيفانـه
شموخ الشعر لأهل الفكر قصر مشرع الابواب=متوّج والفخامه عـزّت السيسـان واركانـه
تقر أبه العقوال الراجحـه ولذوقهـا جـذاب=ليا جت فكرة الشاعر علـى كفيـن ميزانـه
جزالة والمثايـل مدرسـه ومدونـه بكتـاب=تحللها العقـول الشامخـه بالعقـل مليانـه
تجاذبها مجالسهـم بعـزه والفخـر جلبـاب=ويفخر راس شاعرها بعد مـا جالهـا خانـه
توافق فكرة الشاعر لتاخـذ موقـع الاعـراب=وتسبح عبر بحر الشاعريه باعـذب الحانـه
تباشر به عناوين القصيد وفـي حداهـا ذاب=يذوب بغالي الامثال والحكمه علـى اوزانـه
قريحة شاعرٍ جادت بفيضٍ سلسبيـل عـذاب=تجـود بجزلهـا ماجابـت الامثـال هريانـه
بكر من فكر جات مقلّطه للماقـف الغصـاب=تنومس راس قايلها على النومـاس طربانـه
بكر ميلادها فكـري تلبّـس بالحـون ثيـاب=ومعناها رفيـع المستـوى ماهـي بعريانـه
تجلـل والجزالـه بيتهـا ومشيّـد الاطنـاب=يازين الكلمة اللي بالعقل والعـرف رويانـه
تجمل في المقام ونالت التصفيق والاعجـاب=وتصبح ملك لزحول الرجال وشانهـم شانـه
تنال الاهتمام من المـلا يبدالهـا الترحـاب=وترجع لأذن سامعها وهي بالشوق ضميانـه
يجي سعر القصيدة كل ما ياصل لها الطـلاب=على حسب الطلب بيع الثمين بغالي اثمانـه
ليا سليت سيـفٍ يفتخربـه كفـك القضـاب=زهاك العلم والمعنى نصاك وصـرت مزبانـه
عسى بيض الليالي قبل سودٍ سيفها قصـاب=ولو ان الزمن بحـرٍ يهيـل العقـل طوفانـه
حقيقه مشكله في كوكـبٍ مملـوك للنصـاب=بلش به كل عاقل واكثـر التجـار خسرانـه
الى حضرة جناب المحترم قاف الشعر ما طاب=بعد هدوا عليه البيـت زاد الوقـت بحزانـه
كثير من القصيد يقال وزن وقاف قالوا جـاب=وهو حرفٍ عليل ومجمـل الامثـال سقمانـه
الإهداءات
العرض العادي
