حديث المجالس والشوارع والأسواقي..!

[نايف العتيبي]

أنا مابلايه من شقى البعد والوحده=لو أعيش طول العمر واقف على ساقي
ولاأطلبك لو أموت بأسبابك النجده=أبصبر على ماصار لي والله الواقي
لاأبو شاربٍ مايقدح الراي من زنده=لو إنه على قرب المواليف مشتاقي
لكنّ العرب بذّتني بكثرة النشده=يقولون وجهك بينٍ فيه الإرهاقي
وأنا ماأبغى أوضّح وش برى حالي وجهده=تعوّدت ماأشكي همّي الا لخلاقي
لو الكبد من كثر الصواديف منبجده=تموت بظما مابلّت العالم أرياقي
هذا الجسم ماباقي سوى عظمه وجلده=وأخاف العرب بهروجها تِلْحق الباقي
لو ألخّص الموضوع وأعطيهم الزبده=وأقول السهر من بعد الأحباب وأشواقي
يبى كلٍ يسولف على الناس من عنده = يوجّه على الموضوع تسعين تفّاقي
وأبصبح مع اللي يجهل بعلمي ونقده=حديث المجالس والشوارع والأسواقي
لكنّي ماأبيّح سدّ قلبي لأجل مجده=أبذوق طعم المرّ مادام ينذاقي
وأنا ماندمت الا على حاجةٍ وحده =عطيته غلاً مايستحقّه من أعماقي

تحياتي
نايف العتيبي