[ ثـاني سنه ]

[فواز المطيري]

.
.
.

ثاني سنه والمحاجر حجرها عوره=ثاني سنه والبشر تامر وتنهاني
ثاني سنه والدلال الصفر مهجوره=ثاني سنه قافلٍ قلبي وبيباني
كل من نشدني اقول الحال مستوره=والعالم الله بحال العبد يا اخواني
ياعيد عادتك فيك الناس مسروره=وين انت ماعاد لك شوفه وعنواني
ياعيد جيّتك عند الناس مخبوره=تعال اقلطك في صدري تقهواني
ياعيد ينشدك قلب ٍ تجهل شعوره=ياعيد عيّنت لي زندي كحيلاني
اخوي طلق المحيّا راعي الصوره =اللي معي صورته روّح وخلاني
ياليت الايام ترجع لو ورى دوره=ويبدّلونه بغيره واحدٍ ثاني
تفداه روحي وروحي فيه معذوره=هرج الصحيح الذي يفصح به لساني
والهرج مانبحث اتعابه ولا زوره=مادام رب البشر يجزي بالاحساني
يارب ترحم فهد وتسبّب إسروره=وتغفر عن وانت اهل إلكل غفراني
وتدمح ذنوبه في يوم لاعمال منشوره=يالله طلبتك يارب الانس والجاني
وتسكّنه جنتك والحوض ويزوره=وانك ياربي تحفظ ابوي واخواني
وتكفيهم الوقت ياخلاق وشروره=وتستر عليهم بسترك كل الازماني
ولو كل فرقى على الانسان مقدوره=ماكان تلقى حزن ودموع وحرماني
لكن على الله ورب العبد دكتوره=يعلم كنيني وحالي والذي جاني
ثاني سنه والمشاعر جرد مقهوره=والعيد ماله طعم مابين جدراني
اسجّ رجلي ولو ماهي بمأموره=في كل دربٍ على طاريه وداني
وارجع واعوّد ونفسي منه مخطوره=واشوف مالا تشوفه عين سرحاني
تقول الافراح فالايام منحوره=ماكن لو طال عمر الادمي فاني
ياعيد فرحتك محدوده ومحصوره=منها مايلحق ضلوعي غير الاحزاني
ودموع عيني لجل جيّتك مذخوره=ياعيد ماقلت لك إقلط وتلقاني
وتشوف عيني من الايام مكسوره=ويمناي ماهي بمن خطلان الايماني
وكل من نشدني اقول الحال مستوره=والعالم الله بحال البعد يا اخواني

.

.
فواز المطيري