شبيت نار ....و .... طفيت خدّك..

[صالح بن عمار]

ساقت شياهين الفكر ورِدْ وردك...=وذابت على صدر الورق شمعةٍ فيك...
في ليلةٍ يَقْطِفْ بها الورد يدك...=وكل وردةٍ تبغى الهنا من أياديك...
وجدي لقلبك وجد قلبي لوجدك...=ممزوج روح وروح فيها مشاكيك...
شبيت نار الشوق وطفيت خدك...=أروع غرامٍ ينتشي لك يناديك...
برسم عنا بُعدي وشوقي وبُعدك...=جمرٍ يلاهب خافقي كل مااطريك..
تجلس معي ليله وينباح سدك...=وأقول سدي كل مافيه يبغيك...
أنثرك بأشعاري وألمك وأردك...=شعرٍ يلامس بالثريا معانيك...
أشوف روحي حدها اليوم حدك...=وأقول عمري راجي(ن) كل مافيك...
هجير ثغرك ساكنن بين وردك...=وذاب الشهد يوم ألتقى في في فيك...
أشب ناري من طرف قَدح زندك...=وأروي عروق الذات والعين تسقيك...
يقدح فتيل العود والنار ندك...=ويفوح عطرٍ من شذاه لمعاليك...
تسهر معي وأقول للقلب قدك...=ليله... بها كل الثواني مدابيك...
تقول صالح.! قلت أبوكِ وجدك...=أنت الوليف شلون مااطيع وأرضيك...
تهمس تقول الليل جافل وهدك...=وأقول عيني توها ماأهتنت فيك...
قالت عهد شهرٍ ليا صار ودك...=وأقصر ليالي العمر ليلة ملاقيك...
ترحل وأقول الله ليّـه يردك...=والعين ماعت والمعاليق تبكيك...
صرت أحترق وأرجي بالايام وعدك...=وأذوّب لعينك نَجمْ يوم أغنيك...
هذي عروق الحب تارد لعدك...=ويوم أرتحلتي جفْ منبع مساقيك...