:: فـضـفـضـه مـشاعـر ..~ (آخر رد :أسيل)       :: ][®][^][®][سجل حضورك.. حياك الله بالمعنى][®][^][®][ (آخر رد :أسيل)       :: صورة ومعنى (آخر رد :أسيل)       :: ܓܨ أحتـــآج لـ ... ܓܨ (آخر رد :أسيل)       :: نبرت الــــــــــــــحزن (آخر رد :عايض خضرالنفيعي)       :: اكتب ما شئت ..المهم أن تكتب ...!! (آخر رد :أسيل)       :: انت حلم (آخر رد :أسيل)       :: عبروا عن مشاعركم بكلمة => (آخر رد :أسيل)       :: وجه الـ شَبه !! (آخر رد :عبدالهادي القحطاني)       :: [.........: نديم الحرف :.........] (آخر رد :أسيل)      

 
 عدد الضغطات  : 1300  
 عدد الضغطات  : 1562  
 عدد الضغطات  : 1605  
 عدد الضغطات  : 1188  
 عدد الضغطات  : 1422


الإهداءات



 
العودة   منتديات المعنى الأدبيه > المعنـى للشـعر > ‘،‘الموروث الشعبي ‘،‘
 

‘،‘الموروث الشعبي ‘،‘ ::.. حياة البادية , قصة وقصيدة , الالغاز،سِر الشعراء , مختاراتكم .::

إضافة رد
 
 
أدوات الموضوع انواع عرض الموضوع
 
 
قديم 18-06-2004, 02:01 PM   رقم المشاركة : 1
فيصل السبيعي
شاعر
 
الصورة الرمزية فيصل السبيعي






معلومات إضافية
جميع قصائد متنبي عتيبه (((بندر بن سرور)))رحمه الله

1/ هذه من القصائد المشهوره والمليئه بالحكم لشاعرنا المرحوم

يالله يـا جـال الأمـور المهمـة = تجلى وهق قلب برى حال راعيه
البر دجته و البحر رحـت يمّـه = أدرج سبب حظ على الله مساعيه
يوم إن ولد اللاش رزقه على أمه = رزقي على اللي ميّت القشع يحييه
مانـي وانـا بنـدر ببيـاع دمـه = يقطعك يا بيّـاع دمّـه و مهفيـه
اللـي يبيّـع لابسـات الأزمــه = ثور يبي بيض العماهيـج تغنيـه
يزعل ليا جت ليلة الـدول يمّـه = يرضى بسوق المال بأخيه و أبيه
خطو البخيل اللـي يكبّـر معمـه = يقرا الكتاب و واجب الله مخليـه
أما هرج لـه فـي رفيقـه بنمّـه =والا عطا و أمه تضيّـع هقاويـه
يا مل قلب كل مـا مـات همّـه = دارت دواليب الدهر ليـن تحييـه
فرّاق شمـل النـاس عيّـا يلمـه = وقتن يشيب الراس من شاية فيـه
أحدن ينام و حـط راسـه بكمـه = و أحد تخم النوم عينه و تخطيـه
و أحدن يحاول بالردى بنت عمـه = و أحدن يحاول ستر عذرا عوانيه
تخالف الأنظـار شرقـن و يمّـه = كلٍ هدف رايه من الناس مرضيه
أنشدك ياللـي كـل شـي تتمـه = تقرا الكتاب كل فـرض تصليّـه
ويش القليب اللي عميـق مجمّـه = ما سرّ غرسه ماه عطشى سوانيه
سم السبب يا عارفن عنـه سمـه= سم السبب يا عارفه قبـل اسميـه


2/ وهذى ايضا" :



مـن بـلاد الشـام جينـا بالمكيـنـة = فـوق فـرتٍ مـا تخثـع بالطمانـي
يحتدي مثـل الجمـل تسمـع رطينـه =مـع طمـان القـاع مثـل الثعلبانـي
والشُفيـر مـن المـدارس مطلعيـنـه= عن ظـلام الليـل شـب الكهربانـي
كـل مـا جـاه تـل يلعـن والدينـه= باليميـن اللـي علـى كـل اليمانـي
ما تجيه يسـار رجلـه شـوف عينـه=غير يسـرى الطـار شـيٍّ بالامانـي
يوم قال لـه الخـوي عاشـت يدينـه= شد رجلـه للكمـك واحـد و ثانـي
يالله انك تنصـره مـن نصـر دينـه = إن عطى لـه مـع غبـا ولا بيانـي
قلـت يالمطنـوخ أنـا عينـي حزينـه= من شراب اللف أبيـه وعنـك كانـي
قد رمى بالكيـس قدمـي قـال وينـه=دوك ما بالجيـب عـن شـيٍ لهانـي
قلـت ثالـث قــال يالله لا تهيـنـه =قلت خامس قـال يطلـب نقـل ثانـي
قال واحد و الكمـك واسمـع حنينـه= كيف مـا ترضـى عليّـه بالهوانـي
قلت واحد و الكمـك ضـام المكينـة=قال لي مـن يرحـم القاسـي ليانـي
قـلـت والله يرحمـونـه صانعيـنـه= قد زعلت من اللهيـب اللـي حدانـي
قـال مـا ناثـق بمـن هـم متقنينـه = عن مشاور غير عرفـي قـد كفانـي
قاطـع عرقيـن مـادري ويـن وينـه= قد وصلت الأرض واسمع صوت ثاني
قلـت دوك اللـف خابـوا شاربيـنـه= غطّني عن شوف شـي مـا خفانـي

3/ وهذى ايضا" من قصائده المعروفه :



شـي بقلبـي واهجـه مستمـري =لولا ازرق الدخـان يطفـي لهيبـه
سلط على الدخان لو هو مضـري = له حـزة عنـد احتكـام المصيبـه
وأنا الذي ماابدي على الناس سري = من خوف سودان الوجيه تحكيبـه
اصبر على ضيم الدهر والتعـري = من شان من يرضى على الغليبـه
وابعد مجالي عن عيـال التـزري = مـن لاهـو قلبـي دواه المغيبـه
اخاف لي من مجلس مـا يـذري = في جانبه بـوم حساسـه صليبـه
سوالـف مابيـن تجحـد تـقـري = يجـرح فـؤادي عيـة وابتليـبـه
والله خلق بالكون لي ثلـث بـري= يكفن ثلثيـن البحـر ويـش ليبـه
وإليا بغيت الدرب ما نيب اطـري = امـس للفرجـه حبـال النجيـبـه
واقطـع تهاتيـه الخـلا بالتجـري =واللي يجيبه والي الامـر اجيبـه
يرضيني المقسوم خيـر وشـري= سبحان من لا تعلـم النـاس غيبـه
احد على ربعـه يحـب التحـري = للشـر بـلاس وخيـره بجيـبـه
هذاك انـا يالربـع منـه متبـري = لو عظني ناب الدهر مـا انتخيبـه
من خوف يضحك لي وهو يستغري = يفتل حبـال السـوء مـا يندريبـه
يفـرح علـى بكـل شـر يمـري = وان شاف يمي خير عنـي انهيبـه


4/ وهذه ايضا" أحدى قصائدة :




عز الله إني جزت عن كل ما أقول = لاشك ردتني على القول ضيحه!!
لا يا عيون اللي ليا صك بالجـول= منه أبرق الجنحان عجل مطيحـه
يا عود ريحان رفع غصنه الطـول= بستم قليبـه مـا يهـون ضبيحـه
يوم استوى عوده على داير الحول= عجوا به التجار من زين ريحه!!
يا شيخة الخفرات بالزين وادلـول= من مات من سبتك ربه يبيحـه!!
5/ وهذى قصيدة أخرى لشاعرنا المرحوم




ألا يا وجودي وجد من صك دونه باب=بقفـل أعجمـي مغلقـات مسامـيـره
عَدَو به على اللي كنه النسر بالمرقـاب=على الجمس الأصفر كاملات شراشيره
معه فرت خمسة طن ياخذ مية ركـاب=مـن المـال عيّـن ينقلنّـه تغايـيـره
دخل هو و حِمله للحكومة بغير حساب =و راعيه عشر سنين و يعـاد تقريـره
على اللي كواني كيّة العظـم بالمشهـاب=على أقصى عراوِ القلب محمي مناشيره
عشيري ورا الكوده وانا من ورا مشعاب=بعيد قريب تعيـب يـا هـون تيسيـره
ولا يوصله كود " فرت " عليه اسطاب= ليا حاسب السـوّاق تقـدح مواخيـره
صنايع بياطير الكفـر لابسيـن الكـاب=عصاة اليهود اللـي مشاريبهـا البيـرة
ألا واهني اللي عن الحب ما قـد تـاب=وأنا تبت عنه وعدت له يا الله الخيـرة


/ وهذى ايضا" احدى قصائده :




سرى البارق اللي روس مزنه تنصت الغال =على هجرة ابن سنـون وادنـي الشبيكيـة
على شان حصـة جعـل يسقيهـم الوبـال=إليـا عـودت مالـي ومـال الحبـرديـة
تتل الضمايـر تـل غـرب علـى محـال=تصافـق بـه الجيـلان ملـح اجمالـيـه
اليا نقضـت شقـر علـى ردفهـا ميـال=تخابـط سبلهـنـه مـطـارق شراطـيـه
ألا يـا عيـون اللـي مواكيرهـا بالخـال=توايق رقايـب نجـد مـا هيـب بحريـة













التوقيع

نقره لعرض الصورة في صفحة مستقلة

  رد مع اقتباس
 
 
قديم 18-06-2004, 02:06 PM   رقم المشاركة : 2
فيصل السبيعي
شاعر
 
الصورة الرمزية فيصل السبيعي






معلومات إضافية

/ وهذى ايضا" احدى قصائده :






الا يا نديبي فوق دوج عليـه شـراع= ما قال انفخ التشريق جا في مواصيره
ليا هبّت العليا و قام العجـاج و راع=يهيضك مع السكة تثـاوع معاصيـره
صنايـع يهـودٍ لا يبـدّل ولا ينبـاع= يقربك من دار ويبعـدك عـن ديـرة
بعد طلّعوه مجَيّكٍ ما يبـى المرجـاع = سمع من وراه الفوج غنّت مواطيـره
ليا دق سلفه قام حسّـه يـرجّ القـاع= ما جاه المعاون يشتغل في مساميـره
عطاه الثنين و زاد له بالأبنص و فاع=رزيمه رعـد مـزنٍ تهلّـع دناقيـره
خرط له بثالث عقب نشّه بعزم و زاع =و شتل له برابع ما يضيّـع تغاييـره
ليا شال عزمه ريّحه وامـنٍ مارتـاع=مسك مع يمين الخط و يلـدّ لانبيـره

8/ وهذى احدى قصائده في الدخان (ابوبس) ايام تهريب الدخان :







اشرب من ابو بس و أنسها نـس= نس المهرب مع خطوط الجزيرة
ليا من عطى له ثالث قام يضرس= خفر السواحل في طريقه خطيرة
شدة قصير ولا يمـر المهنـدس= توّه جديـد و عالـمٍ بـه خبيـرة
يسري من الحدّين و يصابح الرس= عليه بندر مـا يخونـه ضميـرة
جاب البضاعة من مغانيه بالـدس= ماهوب شاةٍ ميتـة فـي حظيـرة
يالله يا منشي السحاب المطمّـس= تفرج لمن مثلي عيونـه سهيـرة

9/ وهذى ايضا" احدى قصائده :



عز الله انه هال ما طال يـا سعيـد=زل الشهر والوقت طـوال بديـده
اللي مـن اول للخلايـق مواسيـد=أسقي غريـر الهـم لـو يستفيـده
قم يا رشيد الحق واقول يـا رشيـد=الله عليـك انـت مـن ايـا بديـده
اما البديـده منـك عنـد المواعيـد=ولا همومك مـن حياتـك زهيـدة
ابستفيـدك كـان جربـت افـيـد=تنام واسمك حول الاسمـر رشيـده
لي قصة يشهد بها راضـع الديـد=يعدهـا غيـب السـراب الطريـدة
طويـلـة عريـضـة بالتماجـيـد=يفرح بها الطيـب فعـول مجيـده
طويـلـة عريـضـة بالمناقـيـد=يفـرح بـه النمـام شيـن العقيـدة
جار الزمـان وعاونـوه الحواقيـد=اللي لهم مـن قبـل ذلـك حقيـده
يا رشيـد يـوم اتعبتنـي بالتناشيـد=خذ لك من الدرويش زبدة قصيـدة
واليا ذكـرت الله وكثـرت تمجيـد=ترى محمد صفـوة الخلـق سيـده
ترى ابرك الحزات يوم صدف عيد=جمعة اسبوع وصادفت يـوم عيـده
أذكـر الاجـواد صـد وصواميـد=وانذال لا صـدوا ولامـن صميـده
واذكر لك اقشر ما على السيد والبيد=اللي طمع بنـت القصيـر الحديـده
فضحه قصيره عند انه اكسب فيـد=سوالف بها للنـاس خطـو البليـده
سولف بجرح سال جرحه تضاميـد=زود لجرح الجرح ينـزف صديـده
من لا ستر خلات غـرات اجاويـد=هـذاك نقـال الخبيـثـات بـيـده
وليا وطاك اللـي وطانـي تراديـد=رد السـؤال ولا تحـيـر بـريـده
وانا الذي قد مرنـي سلـك تجنيـد=خدمـت بـه عـدة سنيـن مديـدة
مرحـول هـم وكـل شـي احيـد=احيد زيـن وشيـن والهـم احيـده
اسمع صرير القلب بيـن الحواديـد=حدنـه الاضـلاع واسمـع رديـده
والله مأهني قاضي العمـر ترغيـد=ابـن الئيـم اللـي حياتـه رغيـده
أهنـي الكلـب الحجـل بالمراقيـد=وضب الخلا لو كان ياكـل رديـده

10/ وهذى ايضا" احدى قصائده :





ياسهيف الذرعان مافي وسـواس = لي حاجتةً بالعرش واسعى وراها
واسجد لقادرها على غفلة الناس= واسالـه الجنـه يكمـل عطاهـا
اسعى ورى حـد مهاويـة دراس=زيـزوم نمـرً قادهـا ماتـلاهـا
علق حبالي فرخ واليوم قرنـاس =واللي بحالـي للولـي مشتكاهـا
اعوذبك يارب من سعي الافلاس =وانته رقيب النفس تعلـم خفاهـا
يابنت انا هـذي شفايـاي يبـاس=اطابق الوجبات ما اشفق علاهـا
ماني وانا بندر بتبـاع الانجـاس =اللي قريـبً تلفهـا مـن لحاهـا
انا بدرب الصيرمي عدم الاجناس =زعيم روق اليـا تنصـت عداهـا


11/ وهذى ايضا" :





الله من عين(ن)ليا عسعس الليل= عافـت لذيـذ النـوم ماتهتنيبـه
ياوين ابا القى من يحب التعاليـل= يبدي بزين القـول والاابتديبـه
خطو الولد يامال قصف التماثيل=يشرح عيوب الناس ماشاف عيبه
يفرح ليا شاف المجالس هراميل= ويكره ليا شاف المجالس مهيبه
ماشوقنـه طيبـات التماثـيـل=مع شايب(ن)قد بين الوقت شيبـه
ماهوب شايب شيبنـه غرابيـل = عيد(ن)يقفي به وعيد(ن)يجيبـه
وانا الذي شفت الوزي ياسماعيل = طاوعت نفسي لين شفت الغليبه
النفس طير(ن)والخطايا محابيـل= والناس رواي الحديث تحكيبـه
وانصحك ياللي تايه(ن)بالدواويل=اليا تاه فكرك تاه مسرى النجيبـه
احذر تصلي بالهدوم المسابيـل =واحذر تخاوي اللاش تابع نسيبه

12/ وهذي ايظاً من قصايده :







ياكثر يافيحان صبـرً صبرنـاه =امس الشهر عديت باقي اسبوعه
لاتغبط اللي صـار زوده بدنيـاه= يتبع هوى نفسه وغير طبوعـه
مخطً طريق الحق غـادً بعميـاه =يجمع وسخ مـالً زوالً نفوعـه
اغبط تقيً صـار زوده بتقـواه= عبدً لصوت الحق يرخي سموعه
يفرح بصوت منادي الحق نـاداه= عجلً على المسجد بطيً ركوعه
والاترى الدنيـا حـدودً مسمـاه =لابد مايقفـي وتقفـي زروعـه


13/وهذى ايضا" قصيده اخرى :




اه يافيحـان مـن بعـد المسافـه= بين نجد وبيـن ريعـان الحويـه
راكب اللي يعجب اللي يوم حافه = زين صوته بالسيـور المعدنيـه
زيـن الصنـاع شغلـه بالكيافـه= ناسج(ن)حوضه على ذوق الحنيه
يوصل اللي بان بالقلـب اختلافـه=عيت الايام تسمـح لـي بمجيـه
شبه وضحى قيضت فوق اللصافه= ربعت بطبيـق وفيـاض الثنيـه
ماتلت راع الغنم مجيـف لحافـه=ثانيه طق العصـى بـارد حتيـه
مع بـلاوي زينهـا زودالنظافـه=ماتـمـشـت بالـرفـايـع .....


14/ وهذى ايضا" احدى قصائد المتنبي بندر بن سرور:


بديت ذكر الله على كل ماصـار = يستاهل الذكرى عزيز الجلالـي
والكار للي صار بالشرق مسمار= بنحور الاعداء مايحيله محالـي
الين من الماهود واقسى من النار= يفتل وينقض مبهمـات الحبالـي
ياشيخ انا حملي ثمانيـن قنطـار = عجـزت والله ماقويتـه لحالـي
والانت حر(ن)صيرمي وجبـار= شيال صعبات الحمول الثقالـي
شل عني الحمل الذي فيه محتار = تلقى جزها عند منشي الخيالـي
واللهم صلي على سيد الاخيـار =المصطفى اختامهـا اول وتالـي


15/ وهذى ايضا" قصيده اخرى :






مالوم عين(ن)تصطفق بعض الاحيان= شافت غرابيـل الزمـان الغريبـه
ياكثـر ماشـف وياقـل الايـمـان=بقلـوب مـن بقلوبهـم شـك ريبـه
من ينصح اللي يعتقـد لـه بكهـان=يـشـرك مــع الله واحدًًًًُمايثيـبـه
لو يصدق الكاهن طلع منه برهـان=وافتك نفسه من حـدوث المصيبـه
لاشك كـذاب خـذو منـه كذبـان= والله صدق عـلام غيبـك وغيبـه
مـن سبتـه ياميـت القلـب ندمـان= لعـل فلبـك للعمـى ويـش تبيبـه
انصحك ياللي رشك الشيب عميـان =وادي جهنم حـادر(ن) مـع شعيبـه
يطغيك زود المال والزود نقصـان=غـادي بسـوق السؤليـه تغديـبـه
لاتدعي بالمـال رابـح وخسـران = يفلجك مـن زيـن العمـل يدعيبـه












التوقيع

نقره لعرض الصورة في صفحة مستقلة

  رد مع اقتباس
 
 
قديم 18-06-2004, 02:11 PM   رقم المشاركة : 3
فيصل السبيعي
شاعر
 
الصورة الرمزية فيصل السبيعي






معلومات إضافية

16/ وهذى ايضا" :




الله مـن عيـن تزايـد تلفـهـا=بيَن كدهـا بالعـروق السخيفـه
كم واحدٍ لـه حاجـةٍ ماصرفهـا=يصد عـن صرافهـا لايضيفـه
يخاف لايقضـب نديـم طرفهـا=قلبه صدأ وأطراف جسمه نظيفه
لـو كـان ماهـا مايليَـن ليفهـا=سيَل بهـا القتـات وادي حنيفـه
والله خلق بيد الذلـول وعسفهـا=للي يبي المنهاج مثـل القطيفـه
والفضل للي مدها مـا قصفهـا=وأنهج من الدار المحيله للمريفـه
وانصحك ياللي غرته ماعرفهـا=شيبٍ تشيب مـا يحـول رديفـه
رديفها يركض ويركـز هدفهـا=وقتٍ يقص العظم من حدَ سيفـه
وجت بك الدنيا وجابـك صدفهـا=لاتعتز بأهل النفـوس الضعيفـه
أنصحك نفسك لاتسقـط شرفهـا=ترى بعض بيض المجالس أمجيفه

17/ وهذى ايضا" :





يالله ياجـالِ الامـور العظـايـم=نسألـك الجنـه وتثبيـت الأقـدام
يابن ملافخ خـل عنـك الظلايـم=من يظلم الاجـواد يظلـم وينظـام
ذوي عطيـه يـاردي العـزايـم=هل المهار اللي على الموت عزَام
على ظهـور أمعالكـات الشكايـم=كم سربةٍ خلو مراضيعهـا ايتـام
اليا جرها قشعـان والحـظ قايـم=يشبع بها طيرٍ اليـا مالقـى حـام
وبخيت عند التوم جا لـه زحايـم=في ماقفٍ يالـلاش مافيـه رحَـام
هذي فعولك تجحد الطيـب دايـم=وعلى حمارٍ لك بمغزاز وخطـام
جدك دنيَـس يـا لعيـن الرسايـم=جابوه مـن مكـه مليـس ولحـام
غشيتـوا العالـم بلبـس العمايـم=والباسكم من لبس زينات الاوشـام
عز الله أنك يابرق الريـش هايـم=كنك صدوقٍ وانت تضرب بالاوهام

18/ وهذي ايظاً من قصائده :





يأهل الونيت اللي تزايد عويلـه=مكينته ذيب النصـارى شغلهـا
حده وقود النار وأبعـد مقيلـه=شاقه بعيد العين وادنى جبلهـا
إليا لفيت العين اخذ لـك دليلـه=لاتبدي الشكوى على غير أهلها
وأحذر يغرك من بسط لك شليله=كم واحدٍ يبي العـلا ماوصلهـا
عليك باللي بالقسى ينعنـي لـه=اللي ليا قـاد السفينـه عدلهـا
السالمين اللي خطاهـم طويلـه=وسعيد زيزوم البلاوي فحلهـا
قل حاجتي يابو مبـارك ثقيلـه=ما كل رجلٍ ينتخي لي حملهـا
وابغاك تدركها بحـالٍ وحيلـه=عساك تاجد عند ربـك بدلهـا
و لا ترى الدنيا قريبٍ رحيلـه=كلٍ تبي نفسـه تلاقـي عملهـا
19/ وهذى ايضا" احدى قصائد المرحوم:






يارب انا لي حاجـةٍ صكـة القـوع=بقصى بحر تسعيـن صكـة نحرهـا
أصعب على المخلوق من عضة الكوع=ولا علـى الخالـق بسيـطٍ بحـرهـا
كم واحدٍ جت لـه بساتيـن وأزروع=تـراه مايـدري مـن اللـي بذرهـا
أبن اللئيم أمشـارك الكلـب بطبـوع=عينه على حرمـة قصيـره دورهـا
مادارها خوف عليهـا مـن الجـوع=خـوف تفوتـه غــرةٍ ماسبـرهـا



20/ وهذى ايضا" :




الله على اللي يوم يفتـل عمـوده=يطلع ثرى ارضٍ بعَد القيض ماها
ليونس ثقيل الترس يرخي عضوده=شيهانةٍ تـرخ المتـون العشاهـا
عَده على اللي ما يدرهم قعـوده =من صار زيزوم المشاكل حماهـا
ثم قل لابن دهره يحضر شهـوده=للرفقه اللي باعهـا مـا شراهـا
وقتٍ ركض كلبه ونامت فهـوده=مما تشوف العين طـوَل عماهـا
المال سالـم والوجيـه أمعبـوده=برق التيوس اللي توامـا لحاهـا
راعي صلاة الفرض بيَن سجوده=وراعي غرابيـل النمايـم لقاهـا












التوقيع

نقره لعرض الصورة في صفحة مستقلة

  رد مع اقتباس
 
 
قديم 18-06-2004, 02:15 PM   رقم المشاركة : 4
فيصل السبيعي
شاعر
 
الصورة الرمزية فيصل السبيعي






معلومات إضافية

/ وهذى ايضا" _ ذباحة التيس :




ياعنك ماتشفيك ذباحـة التيـس=ربع السلق مادام حملك خفيفـي
وأخير من هاك الوجيه المفاليس=البعد عن معروفهم لو تضيفـي
يلحقك منهم بعض الايام تنجيس=ثوب النجس لو كان ثوبك نظيفي
مالي ومال أمجالسة كل بليـس=سلقان نجد اللي وحيها صليفـي

22/ وهذى ايضا" من قصائد المدح :




يابدر ابن سلطان مايبـرد الجـاش=الاَ نهـارٍ فيـه للجـر تشهـيـر
يفرح به الطيب ويكره بـه الـلاش=ويقوم عجه من قرى عنـز للنيـر
يغلق مجال مربطة خضر الاجحاش=ويفتح مجال مخرجيـن الطوابيـر
يزيغ به قلـب المنافـق وينحـاش=ويصبر به المؤمن ويرضى المقادير
ماقصدنا يابدر فـي نجـد نعتـاش=الرزق عند مدبـر الخلـق تدبيـر
أبغي الذي بين المضيـع وعكـاش=روقيةٍ تزهـى يديهـا الخواصيـر
تتبع لها نمرأ له الموت رشـراش=حتى تعـاف أمقطعيـن المساميـر

23/ وهذى ايظاً احدى قصايده الممنوعه :

دوك السويـك وشغـل الـفـرت يامنـيـر =افـحـص عــلاه ودخـلـه بالكـراجـي
اللـى يبـا بنـزيـن ركــب بواصـيـر = واللـى تـبـاه الـنـار ركــب بـواجـي
واليـا استعـد وصخـر البعـد تصخـيـر=تصخيـر شيهـانـن لـفـرج الـزراجـي
عـده عـلا الـلـى مايـعـد المخاسـيـر=ركــاز عـمـدان الخـشـب للنعـاجـي
ثـم قـل لبـو بنـدر تـرا وقتـنـا غـيـر= تبـدلـت سـحـب المـطـر بالعجـاجـي
00000000000000000000000= 0000000000000000000000
امـا مـن المـشـرق تـثـور المعاصـيـر= ولا مـن المـغـرب يـهـب العجـاجـي
يبكـي أسيـوفٍ سمـرة نـجـد تسمـيـر = تسميـر عـود العـاج فـي عـود ساجـي
حدنـا بـن هنـدي محمـد مـن ورا النيـر=والـفـرم محـسـن عقبـنـه اسـواجـي
ربـع رسـو بـيـن الحذيفـيـن يامنـيـر = مسلـمـوا لـــدور الـبــاج بـاجــي
واليـوم ناطـا نـجـد مـثـل الـدواويـر= نقضـى الـزوم ومسرعـيـن الهجـاجـي
رحـنـا نــدوج وأنتسـمـى المناصـيـر= نمشـي علـى البـيـداء بلـيـا مـزاجـي
ويـوم أن نجـد إلنـا بوسـطـه مسايـيـر=000000000000000000000
ومتـى يجـي فـي نجـد حسـن التدابيـر=مـتـى يـجـي للصابـريـن أنـفـراجـي
......................................= ...........................................
.......................................= ..........................................












التوقيع

نقره لعرض الصورة في صفحة مستقلة

  رد مع اقتباس
 
 
قديم 18-06-2004, 02:20 PM   رقم المشاركة : 5
فيصل السبيعي
شاعر
 
الصورة الرمزية فيصل السبيعي






معلومات إضافية

24/ وهذى قصيده اخرى :




ياهل الونيت اللي يبا مشتل البيب=مادق صدره بالخطوط الغزيـره
يوم ايتخثع في محير الاداعيـب=يشتي تخثع جادل فـي حريـره
لاتجربونه مايبا الفرت تجريـب=قد جربه فالبيت الابيض خبيـره
عدَوه لابن حزام سيد اللواعيـب=لعاب زينات البيـوت العسيـره
ثم قل قاعد مانبي منـه تدريـب=الوقت درَبنا علـى كـل سيـره
لو كل من قاد السبب يعلم الغيب=ياما كرهت النفس من باب خيره
ان قفت الايام ماهـا مغاريـب=واليا اقبلت يازين صافي غديره
25/ ومن القصائد الغزلية هذه القصيدة الرائعة :




يابنت ياللـي حـول فلـة خبيـان=الله عليك أنتـي مـن أيـا عتيبـه
لا ياعيون اللي على الطرد ولهان=حـرٍ قطامـي فعولـه عطيـبـه
والقرن ذيل اللي تشعشع للأكـوان=بنت الأصيل اللي طويـلٍ سبيبـه
والردف يطوي الثوب والعود ريان=والخـد بـارق مزنـةٍ مستجيبـه


26/ وهذى ايضا" قصيده اخرى :





واقلبـى اللـي تلـه الـود تلـي=تل الرشا من فوق ملحـا جلالـه
في غربها تسعين فـري ومشلـي=وتجفل اليا سمعت ضريس المحاله
من واحـدٍ طـرق عليـه يهلـي=جدد جروح القلب مع ما جرى له
برمش العيون اللي هدبهن مظلـي=ضافٍ على بيض المحاجر ضلاله
يابنت عيفي واحـدٍ مـا يصلـي=تارك عمود الدين مالـك ومالـه
عيفيه لو يفرش لك البيـت زلـي=من لا يخاف الله حـرامٍ حلالـه
خلـي ملعـن والدينـه يـولـي=تلقين في نجـد المسمـى بدالـه
وعليـك باللـي للجماعـه يهلـي=اللي كمـا النبـوة منـارة دلالـه
بالرجـل ثنتيـنٍ حداهـن يدلـي=من كبهن ماهوب ويـا الرجالـه
وان كان مابه دين مع زين دلـي=جعله مـن الدنيـا تقطـع حبالـه



27/ وهذى ايضا" احدى قصائده المعروفه :



سرياقلم مالـى علـى الصبـر طاقـه=صبري تعـدى الحـد ماعـاد ينطـاق
وكتـب لمثلـى قصتـه وشتيـاقـه = في خطك الواضح على بيض الاوراق
قصـة حزيـن" صافـي الحرذاقـه = انا بذكره ماصلـه خاطـري ضـاق
بقويـة الاصعـاب والوقـت بـاقـه = صار الضحيـه بيـن بايـر وبـواق
يمشى وهو ماحس في كسـر ساقـه =امسى على ساقين وصبح علـى سـاق
هذى سواة الوقـت شيـن اصطفاقـه =الوقـت لويصفالـلـك ايــام اوراق
ولاشـك يامـن معـك عقـل ولباقـه= بنصحك كان انـك للامثـال تشتـاق
صادق رجـال" يعرفـون الصداقـه = يقفون صفك يـوم يبسـات الاريـاق
ومن يرغب افراقـك اعجـل فراقـه =جاز الـذى يجزيـك افـراق بفـراق
يقولـه الـى جايـر الوقـت عاقـه = ولازال فـي غيبوبـه الهـم مافـاق
خطه على اقشر شـى لنفـس ساقـه =بقبور الاحياء ينضـر يـوم الاطـلاق



28/ وهذى قصيده اخرى :



القصيدة: يلعب هوى (ياترى ماهو؟)



راكب اللي مخ ساقـه خنازيـر وهـوى=أشهبٍ في مقدمه بارقيـن وعكـس تـاج
متر فـي متريـن مستبـرمٍ كلـه سـوى=حايفـه حطـاب ماسمكـره راع الكـراج
منوة الـي لأهلـه مشفـقٍ وألهـم نـوى=يوم يفتح خط بيـن أربعـه ثـور عجـاج
يوم يفتل للحرق والورق وسـط إنـزوى=ضد حرب وغرب والجمع ورجوم الحجاج
يـوم أحـده بالثلاثـة مـع اللفـة عـوى=عـوي ذيـبٍ محتدينـه مربيـة النعـاج
ثابت ما يحتـرك مرسـيٍ يلعـب هـوى=ارتفع جب ارتخى مثـل طايـرة المـراج
يرتفـع حطـاب بعصيـر لبنيـه رمــى=شرق غرب شمال بيمين الأبتل يـوم راج
عنبره والمسك سلطان من نـور السمـاء=والذهب خوذه وماء العود الأصلي يوم فاج












التوقيع

نقره لعرض الصورة في صفحة مستقلة

  رد مع اقتباس
 
 
قديم 18-06-2004, 02:23 PM   رقم المشاركة : 6
فيصل السبيعي
شاعر
 
الصورة الرمزية فيصل السبيعي






معلومات إضافية

29/ وهذى ايضا" احدى قصائد المرحوم :





ياعبيد يا وجدي على شاي قبل أمس=شاي مـزج ياعبيـد بالزعفرانـي
امصلحه مركوز الأنهاد بالخمـس=راعـي ثمـانٍ كأنهـا القحويانـي
وجدي عليها وجد من حمل الجمس=في حملته ياعبيـد سبـع المعانـي
يوم الطرد عدت ثلاثٍ بعد خمـس=قامـت تقطـع قربتـه جدعـانـي
مدوله الدربيل مع مطلـع الشمـس=وجاه العريف وحـدره لسفوانـي

30/ وهذى ايضا" احدى قصائد متنبي عتيبه :



يا عبيد يوم إنك تبي الدرب عجـلان=رد النقي يـا عبيـد حـالٍ وحيلـه
ما ينرمي قولٍ علـى غيـر نيشـان=ومن لا يثبت حجته ويش هـي لـه
صوتي وأنا بنـدر طويـلٍ ليابـان =وان ما خشيت الرب ويش اختشي له
وان عودت للنـاس قـومٍ وصدقـان=ما احد بما نعنـي لأعـدي الطويلـه
وأن جيت أغني البيت وافي ومليـان=ولولا معانـي بالغنـا مـا اشتقيلـه
ما أحب ترديـد الغناميـر مشحـان=ما أدمح خطا اللي شاهده رأس ذيلـه
والا خطا الطيـب زبـادٍ وريحـان=لـو يدعـي لـي بالفنـا وادعيـلـه
إن ضاق صدري شفي أمزح بالالحان=والا عـن الـزلات رجلـي ثقيلـه
دنيا نبي تقزيرهـا ضحـك حجـان=وألا تـرى صيـورهـا مستقيـلـه
والرجل غاية ملحتـه قلـب ولسـان=وألا أن باقـي جثـتـه حنضليـلـه
يارب تجعل لي من الذنـب غفـران=يافـارج لأيـوب عـقـب تهليـلـه



31/ وهذى ايضا" قصيدة اخرى :





والله لو أني بعض الأحيان أكنـي=نارٍ من الجمـرة تمـر الفـؤادي
لأغدى كما فـرتٍ بقيـره يحنـي=حمله ثقيل ولا حصل لـه بـرادي
عليـك ياللـي بالمـودة شطنـي=ما شفت شكله مع جميع البـوادي
راعي جديـلٍ يمشطـه ومتثنـي= والعين عين اللي طلق في الهدادي


/ وهذى ايضا" احدى قصائد متنبي عتيبه



يامل قلـبٍ مـن معاليقـه أوجـف=أوجاف فوق الهجن كـور النجيـره
واصلـك ياعمـي جـواب مـزرف=مع واحـدن نبـدي عليـه السريـره
ينسى عضـوده كـل ثـورٍ معلـف=مرغبـه زال الـمـوارد قصـيـرة
قلبه مع الضحكات يسعـد ويخـرف=أخـراف أهـل وادٍ تعاقـب ثميـره
الماكـر اللـي فيـه تبـعٍ تخـلـف=ليافاض مـن عشـه تفـرق مطيـره
وخطوا البخيل اللي على السد يقصف=وان مـد لـه مـده لياهـي حقيـره
هو مادري ان الرزق للحي يصـرف=يعطيه من يعطـي العطايـا الكبيـره
المال مثـل الفـي يرجـح وينكـف=واللـي يجيبـه لأبـن آدم دبـيـره
أمـا أنتبـه قلبـه وتـاب وتحسـف=وإلا لعلـه فـي عمـاة البصـيـره



33/ وهذى ايضا"يا راكب اللي :



ياراكب اللي جديـد ويشتغـل تـوه=ماقط علي الثوينـي فـك ماطـوره
عصير مر القليـب والتانكـي روه=ملفاك ماجد ربيع لاضيف أبو نـوره
شيخ تبات الظرايـا ماطفـي ضـوه=يوم أقشر الناس حذفه دون حنجوره
قل له تراني نويت الكتيـب بالخـوه= مليت ياشيخ من خوة هـل الكـوره
والله لاجى له من ورى نجد بعنوه =لاجي بنفسي وأجيب الختم والصورة












التوقيع

نقره لعرض الصورة في صفحة مستقلة

  رد مع اقتباس
 
 
قديم 18-06-2004, 02:27 PM   رقم المشاركة : 7
فيصل السبيعي
شاعر
 
الصورة الرمزية فيصل السبيعي






معلومات إضافية

/ وهذى ايضا":




طويت حبل اليأس يابـدر دونـه=وجاني عليه من الأزاء ما كفاني
في الليل جسمي مقلقاته همومـه=والعين تسهر ما تذوق المنامـي
عليه روحـي يابسـات شنونـه=وحره على الضلع القصير كواني
أمشي وقلبي يابسـاتٍ غصونـه=ومني صناديق الضماير حطامي
ابلا مرض حالي تقول مهيومـه=والكبد صامت عن لذي الطعامي
اللي عليه القبر ركزت وسومـه=وجدي على لاماه وجد الضوامي
حره سطا ما عاد تبرا وسومـه=ولا عاد يمحى وسم حزنه دوامي
يابدر متى الوسم تدخـل حتونـه=من نو مـزنٍ مانشـا بالغمامـي
أباه يزي القبر من مـاء مزونـه=يزيه ربان السحـاب الهشامـي


35/ وهذى ايضا" :




يا أهل الونيت اللي على دنقله ميم=نقل الرياض الخط ما توصلونـه
ما رهمو له في الكراجات ترهيم=ولا قـط فـك أديتـره ينفخونـه
والله لو أمسك طارتـه يالمغانيـم=ما عـاد أقلـد دولـة يصنعونـه
صناعته مخطيـن ملـة أبراهيـم=حمران روم لونهـم مثـل لونـه
36/ وهذى ايضا":




الله على مركـب خطـاة التماتيـك=اللي يروج اليا أونس الضغط صالي
هذاك يامجول عن الغيض يبريـك=عليـه يالغالـي يوديـك غـالـي
انحر عليه الجـادل اللـي تسليـك=اللـي جوابـه حلـو در المتالـي
وأن بينت لك شيـن عنهـا يعديـك=تكفي الاشارة عن كثيـر المجالـي
ونوم الخلاء وحدك ولازول يوذيك=أخير من خـوة عفـون الرجالـي




37/ وهذى ايضا" :


جينا حليت ولا لقينا أشعـل اللـون =ألا بحـمـرٍ يبهـتـن الحـديـدي
روس الطوال اللي ورى حد طحنون=ياما بهن عـن عنـز ريـم فريـدي
قم سو فنجالٍ ترى الشـاي لبتـون=والماء الريعة والهـواء مستعيـدي
مقيالنـا فـي طلحـةٍ فيـهـا دون=نوجٍ سموم ونـوج بـرد وجليـدي
يسوى حياة اللـي سـواة التلفـون=من شبتـه بيـن العجايـز بريـدي
راع البلد يا ميت القلـب مسجـون=أضـرب تهاتيـه الخـلا تستفيـدي
أبطش ديار القوم والرزق مضمـون=تصيـدك الأقـدار وألا تصـيـدي
وأحذر تخاف ألا الذي كون الكـون=رب السماء محيي العظام الهميـدي


38/ وهذى ايضا" :



بديت ذكر الله علـى كـل جابـه=يستاهل الذكر العزيـز الجليلـي
وقفت عند اللي زبن مـن لجابـه=وهي وقفت المضيوم عند الاصيلي
ياشيخ أنا وقتـي ضربنـي بنابـه=من واهجٍ بالقلب حالـي نحيلـي
واللهم صلي علـى خيـر مابـه=والا ترى الدنيا جداهـا الرحيلـي
نـوٍ تحـدرٍ قيـل ويـن تهقابـه=وأظن له من عنـد ربـه دليلـي
جعله على ظفـره ينثـر سحابـه=ينهل من ظفره إلى أطراف هيلـي
يسقى وطن شيـخٍ عزيـزٍ جنابـه=شيخ عدل مجرى الشريعة سبيلـي
أبن الخليج اللي طلـع وأرتكابـه =ورسى كما يرسي حفيت الطويلي
يوحش سلاطين الرجـال أقتلابـه=لاهوب لا يجلس ولا من مقيلـي
يقفي ويقبـل مثـل سبـعٍ بغابـه=حلحيل حيالٍ علـى كـل حيلـي
ياما كسبنا الطايلـه فـي جنابـه=والله يخون اللي يخـون العميلـي












التوقيع

نقره لعرض الصورة في صفحة مستقلة

  رد مع اقتباس
 
 
قديم 18-06-2004, 02:31 PM   رقم المشاركة : 8
فيصل السبيعي
شاعر
 
الصورة الرمزية فيصل السبيعي






معلومات إضافية

39/ وهذى ايضا" :



ياونـةٍ ونيتهـا فـي حجـي الـروح=ونـة جـزع ماهيـب ونـة مــودة
يا جهاد ضاق بي الوطن وين أبا أروح=ولا عاد لي يـا جهـاد فالبقـع لـده
لـولا طويـل الرجـم يابـدر لأروح=مير أبدي المرقـاب والشـوف أمـده
يبدي طويل الرجم من كان مجـروح=لـولاه يبـدي الرجـم ينبـاح سـده
يويق في المرقاب لومـاش مصلـوح=ورجله لمبـدأ فـي الجبـل مستعـده
ماغير اكابـد عبـرة العيـن وتفـوح=والجسم مـن قـو القلـق راح قـده



40/ وهذى ايضا" :



محمد القلب عاينـي إمجازيـه =حتى يريـح عيونـي لا يشقيهـا
لو كل رجم يهيض القلب أعديـه=يمكن تكسر ظلوعي من مثانيهـا
وألا ترى القلب مومية عراويـه=لا تحسب أنه طروق الود ناسيها
أوماي غـربٍ مثقلـةٍ عراقيـه=على قليـب نواعيـره سوانيهـا
تسناه ملحا هميد الـزرع تحييـه=من كثر ما تزعب الماء قل واليها
تدرج محـالاً يروعهـا غنانيـه=ميرادها ريض لأن الصدر قافيها
41/ وهذى ايضا" _ طولن بالوقوفي:




لا والله ألا طولـن بالوقوفـي=عيا يحملهـن خبيـث التجـاره
بفلوسنا يا عبيد ماش معروفـي=متى نجي ياعبيد مع خشم صاره
ياراكبٍ من فوق صاف البلوفي=مقعد أنبير الزيت نيم الحـراره
فراق ما بين القلوب الولوفـي=فرتٍ كما وبل السحايب غبـاره




42/ وهذي ايظاً مقتطفات اخرى لشاعرنا _ وشكرا لتواصلكم



قصيدة : راكب الي



راكب اللي من حفيزه للحـدودي=عقّب العشريـن طبلـون اميتينـه
فرت نوع كلاسيكي ماله طرودي =أبيضٍ في البيت الأبيض فارقينـه
يرفعنّـه نايـمـاتٍ بالعـمـودي =والهوى والنـار يرخـنّ المكينـه
يوم مرّ خريص مع عرق النفودي =قاومه صوت القيامه في المدينـة


قصيدة : الا يانديبي


الا يا نديبي فوق من ينطح التهريـب =ليا عدّ ميّـه قـام يلعـب دركسونـه
أببعد عن الشرطة وأفارق جنود الذيب=لـدارٍ يبيـدن الونيتـات مـن دونـه
وياحن قلبي حن فرت بعد توضيـب=تحت خارجيٍ ماطفت نـار غليونـه



قصيدة : مفجرات السراعه



يا اهل الونيت اللي يشق الدهو شقّ =يصفر صفير مفجـرات السراعـه
أمّا اركبوني يالنشامـا بـلا حـق =والا أوصلوا مرزوق منّي وداعـه




43/ وهذى ايضا" قصيده جميله جدا :
وهي مدح للشيخ / زايد بن سلطان ال هنيان ـ حاكم دوله الأمارات العربيه المتحده .. أطال الله في عمره .. .
وغنيت هذه القصيده بصوت الفنان / عيضه المنهالي .. .
ولكن للأسف لم تنسب له هذه القصيده ومسجله بأسم فلكلور الأمارات .. أي أن شاعرها غير معروف .. .
الأدلة كثيره على هذا بأنها لبندر .. وللعلم أن بندر ليست هذه القصيده الوحيدة في مدح الشيخ / زايد ,, بل له الكثير والكل يعلم ذلك .؟


بديت ذكر اللي بسط سبـع باوتـاد=واللي رفع سبعـن بليـة عمدهـا
والكار للي صار غيـث للأجـواد=لاقبلها صـارت ولا مـن بعدهـا
زايد على كل العـرب بالوفـا زاد=ساق المراج ليـن وقـف غجدهـا
الحين حلـو المـر زراع حصـاد=كبـد يداويهـا وكـبـد لهـدهـا
حتى العجوز اللي ورى شط بغداد =تمت على الشيب الفلاحي ولدهـا
تبغاة يطلـع مثـل زايـد ولا فـاد=لاكـل ماهـاز الطويلـة صعدهـا












التوقيع

نقره لعرض الصورة في صفحة مستقلة

  رد مع اقتباس
 
 
قديم 18-06-2004, 02:34 PM   رقم المشاركة : 9
فيصل السبيعي
شاعر
 
الصورة الرمزية فيصل السبيعي






معلومات إضافية

/ وهذى ايظاً احدى قصائده المشهوره :



لولاى اعد الرجم في مرقب الصاح = والعب بعسر القاف مانيب صاحـي
قم ياعليثـه للشهـر عـد وش راح= باول جماده عد لى ويـش راحـي
وهات القلم وكتب الى الخط ياشاح = زرف عـلاه وسجلـه بالنصاحـي
وعينـي اللـى ماتهنـت =من يوم جانـي بالبخايـص مناحـي
البارحه مامرحت لين القمر طـاح =من شرق لينه يمه الشـرق طاحـي
ياجعل يسقيهم مـن الوسـم جـراح=قـدام ينزاعـون لـى بالنـواحـي
واقلبي اللـى داخـل فيـه فحفـاح =فحفاح قـوم" محتسيـن الصباحـي
تليتنـي تـلـت معـاويـد فــلاح=سواقهـنـه مـايـذوق المـراحـي
فالليل سـراي وفالصبـح سـراح =ودايـم عليهنـه بشونـه يـلاحـي
غاسق" لهن غرسًً على العين مرتاح= يعدل عليه لجـم فـي مستراحـي
ويامن سميه في سوى الحزم شباح = ياكم فجر من عين حسـو" قراحـي
واسمه يباري الصيد وان جاك سراح=جافـل وقافيتـه هبـوب الرياحـي
وياشبه عفـرا" للمداويـر مضيـاح =تجذب هشاهيش الخـلا بالضياحـي
مرباعهـا بيـن النويـع والاسيـاح = ومقياضها عد الرويـس الملاحـي


يا منير عمرلي من التتن معمار=يبري الغليل الي على القلب تالي
ولا صرخت باعلى الصوت وابديت ماصار=من شان تدري وش ولا بحالي
أركض مع الدنيا كم راس دوار=ياما كسب زين بعلوم الغزالي
الله على الي عايروها بلأمتار=الطراز بنز شغلت بالعدالي
زادو هواها وأطعموها من النار=حتى الانمبير المنضجع عبد صالي
يجدي على الي في طرف نجد سنجار=يجدي الجبل سنجار بين الجبالي
يوم قل لبو بندر ترى الوقت غدار=يبطن تراني ما أنفع أحد شكالي
ان زان وقت صار بالسلك يدار=وان شان قصو مروعات الحبالي
يوم ان عتيبه شيوخهم مابهم خير=انصور حوم يتبعن النوالي
والله يالولا الخوف من باب الاشرار=لعد شي شفته اول وتالي
كم واحد بين العما عيش هزار=مغترته نفسه بكبر الظلالي
يدنس على ربعه ويدرع بالاسوار=ويعد نفسه من حسوب الرجالي
كفه بخيل وقلب انجس من الفار=اسود طرف وادغم من السيم دلالي
هذاك بعته خير ماكنت مختار=الجزا بالصدات وابعد مجالي
ابعد مجال الرجل عن كل عثار=واصبر على الصكات والعمر فاني
واليوم وطني غبر الايام مجبور =غير الجماعه ماوطني لحالي
حرام للفنجال شربه اذا فار=اللا على الي يرخصون الرجالي
وانا الذي ماقول في نجد شعار=ويذل بالشعار محد حكالي












التوقيع

نقره لعرض الصورة في صفحة مستقلة

  رد مع اقتباس
 
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
محاوره لتاج الشعر (( خلف الله بن جبير النمري)) رحمه الله صقر ثقيف ‘،‘الموروث الشعبي ‘،‘ 3 13-02-2007 05:52 AM
من* **طرائف الشيخ ابن عثيمين رحمه الله** العاقل الحكيم ‘،‘ مقهى المعنى الأدبي‘،‘ 4 17-04-2006 08:36 PM
من نوادر محمد بن سيرين ( رحمه الله ) ناصر الشاطري ‘،‘ مقهى المعنى الأدبي‘،‘ 10 26-05-2005 05:19 AM
×× ياسر عرفات انتقل الى رحمه الله ×× العنود بنت ناصر ‘،‘ النقد والحوار ‘،‘ 11 17-11-2004 08:31 AM
(((( راااااح رمضان)))).....الله يعيده عليكم جميع حاتم المعارك ‘،‘ الشعر الشعبي ‘،‘ 32 11-11-2004 03:56 AM


الساعة الآن 04:32 AM.


Powered by vBulletin® Version 3.8.7
Copyright ©2000 - 2014, Jelsoft Enterprises Ltd.
:: توب لاين لخدمات المواقع :: تصميم منتدى