جمل القحطاني
ياسلام الله سلام(ن) شبيه للبحـر=والبحور اسرار . والنار من شبابها
سوقنا سوق الغلا مادخل فيه الفقر=بلّغوا التجار . والنار من شبابهـا
ناصر سعد
مرحبا ترحيبة النار لاجوهـا البشـر=زمهرير ونار ... والنار من شبابهـا
اهرج اهرج يا عميلي على وجهة نظر=دون لفت انظار ... والنار من شبابها
جمل القحطاني
البقا بك ياعميل(ن) زهمته من عصر=مير توه ثار . والنـار مـن شبابهـا
يوم حل اللغز صاحبك في ذاك الشهر=قول لي وش صار . والنار من شبابها
ناصر سعد
شفت خطك قلت يا ليلة العليا سهـر=مع هل الاخبار ... والنار من شبابها
يا عميل اللغز فيك ابركه واللي حضر=وقع طير طار ....والنار من شبابها
جمل القحطاني
انت ناصر بن دغيم الخبير المشتهـر=ضمن ناس كبار . والنار من شبابها
البدو جوكم على طاري المفلا الخضر=في شمال الدار . والنار من شبابهـا
ناصر سعد
ذا جمل صلى صلاته ويا ليته قصـر=فأوّل المشوار .... والنار من شبابهـا
ابرق الكبريت يشكى على الضلع الحمر=ياجمل اختار..... والنار من شبابهـا
جمل القحطاني
القصر سنّة نبينا وهو وقت السفـر=وانت دون اسفار . والنار من شبابها
لا تخيرني وانا عارف(ن) وين المقر=دامني طيّار . والنار مـن شبابهـا
ناصر سعد
يا جمل حنا ذكرنا لـك اللـي معتبـر=وانشد الشعار ... والنار من شبابهـا
طير يا طيار واظرب تهاتيـه الخطـر=والفلك دوار......... والنار من شبابها
جمل القحطاني
كلمة الصادق تبين ولا فيها كـدر=مايجيها اغبار . والنار من شبابها
كيف ياتينا الخطر دامنا فوق القمر=نضبط الرادار . والنار من شبابها
ناصر سعد
يا جمل اكتب سطر وامسح احروف السطر=لا يجيك اهدار .... والنار مـن شبابهـا
لا تحسب الهرش ناقه ونابـه كـم شبـر=يظربك فالزار...... والنار مـن شبابهـا
جمل القحطاني
انْ كتبنا ياعميلي فنقش(ن) ع الحجر=ما كتبنا اصفار . والنار من شبابهـا
من يعرف الباب ماضن يصدم فالجدر=والليال اقدار . والنـار مـن شبابهـا
الإهداءات
العرض العادي
المواضيع المتشابهه
