قصيده اضعها بين اياديكم البيضاء
اخر مانشر لي بمجلة بروز الغاليه
ليه الخناجر باليدين الرقاقه = تطعن (قفا) ظهري كما رمح جساس
لاصار مالي بالبسوس اي ناقه =وش بالسما من فوقنا تشعل أقبــاس
لاوالله الا..ضاع معنى الصداقه =واستنفذت كل المشاعر والاحســاس
ماعاد باقي بالمعاليق..طاقـــــه =قصر الغلاوانهد من عــالي الســاس ؟
فيني جروحٍ زام نـزف اندفاقه = ودموع عين(ن) تنهمر كنهــاالمــاس
الآاام صدري بي يزيد احتراقه=وهمٍ غدى بغياب (الاحباب)عساس
أوجاع كن الحزن.. للقلب ساقه=سوق الردي لاغرغالــي مـن النـــاس؟
علـــى (وليف ٍ ) دام ربــي وفاقــه = باع المحبه واشترى هـرج... بلاااس
صارت ركادتــنا بعيــنه طفاقـــــه =واخلاقنا.. صرنا به ..انذال ..وانجاس!
يااللي عطيته ود واليوم بــاقــه= كلمه عليها حط خطــين و..(اقـــــواس )
قال المثل من يطبخ السم ذاقه=واللي يدوس الناس لابــد ينـــــــداس
اول لعينك بعت كــل الرفاقــه= واليوم لاتذبــح بــي الطيب والبـــاس
ترى الجبال أملامس الغيم شاقه = والحر يرفع هامتـه.. ماحنــى الـــراس
لاشك من يرمي غلاتي بساااقه = لارمي غلاته من ورى (تونس ) و(فاس)
أخــذالعلوم ابجلّـها وابدقاقـــــه= مـــن بــاق بالخوه فـــلا فيه نومـــاس ؟
اختكم وفاء الفواز
البارزه
الإهداءات
العرض العادي
المواضيع المتشابهه
