مارحت أدور بالخفا كل مزيون /نميت في نفسي مكارم أدبها

[وفاء الفواز]

هو يجوز الشوق والا مايجوز =لامن احرجني وعناني كثـــير؟
كل ماحاولت اهدي به ينوز =واشعل الهفات في جوف الضمير

0




اعزائي بعد غياب طويلا عن منتداي الغالي المعنى آمل منكم ان تقبلو عودتي
اخت وصديقه وقارئه ومشاركه لكم في بيتي الاخر المعنى
بهذه القصيده اللتي كانت وليدة كيبورد

الصبح اللي به ينولد هم وغبون =والليل اللي يحرق عيونِ وهدبها
والفرح اللي من بادي الوقت مسجون=والقلب اللي كل المصايب شربها
والعين اللي تذرف سحابات ومزون=والنفس اللي تعلن أخيرا تعبها
كله لفتني لليلة السبت بشجون=وكلي تحت أمر الشجون وطلبها
الليل يشكي لي من السهر واجفون= والهم يشكي لي طعونٍ كسبها
والربح والخسران بالعمر مرهون=والقلب منهو فرحته قد.. سلبها؟
تخالطت فيني أحاسيس وظنون= تماتـحتني من الشدايد نشبها
مثل الصغيراللي بها الرمح مطعون=أو الكبير اللي دموعه سكبها
والا اليتيم اللي طوت حاله احزون=في فرحتن اقفت واقبل لهبها
ضحيت مدري كيف ضحيت وشلون=ضحيت مدري لكن الله كتبها
أنا شريت إنسان وار خصت مليون=صفقه غبية تاجره ماحسبها
يوم البشر كلن من الطبع له لون=والله يغير بالمذاهب ذهبها؟
وفيت له واعطيته الحب بفنون=أثر المشاعر صاحبي قد غصبها
مارحت أدور بالخفا كل مزيون=نميت في نفسي مكارم أدبها
الله خلقني اكذيه هالشكل هالون=يعني ... حياتي ألمن أحبه أهبها؟
أن رد لي روحي هوى الروح ممنون=وان راح روحي فدوته لا نهبها
فيني الوفاء يزهر به الورد واغصون=وفيه الجفا يقطع جذور وعصبها
خلا صباحي لليلة السبت مرهون= في صوت من محبوبته قد زربها
والعذر منكم ياهل الحب تدرون =العشق كم حطم... شيوخ ابعربها
ماهي انا اللي حبها حب مجنون=واحساسه اكبر من شعورا ً كتبها
في لليلةٍ به منولد هم وغبون = والسهر ولع شمعته في هدبها

وفاء الفواز

البارزة