ام الفرزدق

[نايف المطيري]

ياصابـره وانتـي علـى قـوس الامانـي تمكثيـن=عشقك سبيل الصابرين وحلمك الصبر الجميل
فـي رحلتـك مامـرك السلـوان بـيـن العابـريـن=ولامرتك قسوة هل الفزعات والوقـت البخيـل
ياصابره كان امس لي خطوه ولي حلمٍ حزيـن=واليوم خطـوات الحـزن تزاحمـت نـار وفتيـل
طاولني المشوار الاول وأخـر الجـرح الدفيـن=واذعنـت للكـف الشحيـح وكــل مشوارٍطـويـل
كل الوجيه استاسـدت والغافـل استـاق الفطيـن=واللي عليه العلم صـار العلـم مـن دونـه ذليـل
وام الـفـرزدق سلـمـت ســره لشـيـخ العابثـيـن=واصبح يسوم بضاعته باسـط ذراعـه والشليـل
واليوم ماللناس سيره غير وش سوّى الحسيـن=فـي ديـرة العميـان للعـوران صـولات ومقيـل
وانتي بلا ادنى شك لك هيبه ولك عقـلٍ رزيـن=والناس صارت ماتميّز في السمين من الهزيل
واليوم يابنـت العـرب ماحـول عربانـك قطيـن=الصيف قاسي والموارد موحشه والدرب ويل
الـوسـم زلــت حـروتـه والمقبلـيـن مـغـادريـن=النازليـن استاثروا.والراحلـيـن امـسـوا نـزيـل
يافتنـة العـشـاق وش حيـلـة يـديـن الصابـريـن=وش حيلة الخيل الاصيله لو تشارك بالصهيـل
واللي لبس ثوب التملق زاحم اصحاب السمين=واهـل الثيـاب الراهيـه يـادوب يلقـون السميـل
الوضع مزري والعـرب مستعربيـن وعاربيـن=تـبـدلـت هقـواتـهـم واقـدامـهـم عـــوّد جـفـيــل
هـذا كلامـي والذهانـه تعشـق الحـرف الذهيـن=والمعذره ترى الكلام احيان سيف بـدون خيـل