(عودة سدير) صوت يقابله صدى والصدى يقابله صدى اخر

[ناصر الحنو]

احبتي اعضاء وزوار ومشرفي المعنى

صباحكم/مسائكم/عطر ايها الاحبه

موقف حصل مما دعاني لكتابة هذه الاحرف المتواضعه في ديرتي عودة سدير

وهي بلدة شمال غرب الرياض 150 كيلو

ومما زادني شرف ان يقابل صوتي صدى من اخي الغالي عبدالله الصالح (دفين الجرح)

ومن اعظم المفاخر ان يقابل الصوت والصدى صدى اخر من شاعرنا الوافي المبدع الجزل غازي بن راشد

ومن اجمل واروع الصدف اننا جميعا هنا تحت سقف المعنى

اليكم الصوت والصدى وصدى الصوت والصدى
7
7
7

لبست الفخرتاجٍ لي يطرز هامتـي مـن فـوق=يكفينـي فخربسديـرانـي سـاكـن الـعـوده
ومن حقي انا افخر انا ساكن براضي الشـوق=شموخ العز يلبسنـا نطـرز بالبهـى خـدوده
طبايعناكرم وشمـوخ نسامـح والعذرمسبـوق=نرحب والكرم طبع(ن)اخذنا الطبـع مـن زوده
فعايلناشواهدلـك ياجاهـل بهـالـي الــذوق=ولانبغـى ابداصـلاً شهـادة جاهل(ن)سـوده
معاميل الكرم توقدقبل شمس الضحى بشـروق=ولاتطفى ابدتبقـى فعـول الطيـب مشهـوده
تربينا على الطيبه زرعنا الحب وسط عـروق=صحايف هالزمن تثبت فعايـل طبعنـا وجـوده
الاياساكن العوده تربّع فـي حشـى المنطـوق=وقل للكـون يفخربـس لأن العـوده بحـدوده

ناصر الحنو
ظما العشق

الا يامن قصيدك تلني مـن قاصـي المعلـوق=لك الله ياولد راشد ترى الطيب من جـدوده
الى قامت تفاخر زمـرة الورعـان بالمنطـوق=فخرنا بالفعل والسيف بانـت فيهـم حـدوده
قريت البيت حرفٍ حرف واقعد راسي الطاروق=سبايك من ذهـب خطيتهـا بيديـك معـدوده
ديارك هي دياري وارضنا وحده وحنـا طـوق=سياجٍ دونها عـن زمـرةٍ بالشـر مقـروده
الا ياديرتي وانتي عن الحساد قدرك فووووووق=حماك الله ورد بنحر مـن عـاداك بـاروده
قديم الوقت والحاظر وباكـر والثنـا مطبـوق=كسبناها بحيـل وهيـل والرايـات مفـروده
الايامن يعوضنـي هواهـا لاسـرى بعـروق=تلين عروقي بجوفي عقب ماهيب مشـدوده
احب مشاهد الحامي والمرقب مـع الزرنـوق=واحب السيل لامنه مشى ثم بـان مـردوده
يابوراشد سرابي بيت شعرك سريـة الـزاروق=وهيض ما بداخل خافقي واضهرت نمـروده
عسى ما خطته يمناي ياصل قمتـك فـي ذوق=ولو قصرت منك العذر وين الشعر <والعوده>

عبدالله الصالح
دفين الجرح
صح لسانك وسلم بنانك ياعبدالله

آلا يالكون ذعذع بالفخر في الماكر المرموق=يحق إلك الفخر دام السـدارا فيـه موجـوده
عيال العود زايد سيفهم يـوم اللقـاء مذلـوق=شيوخن بالوفـا والمعرفـه والعـز محمـوده
آلا ياسعد من ينخى السدارا في نهار العـوق=صناديد الرجال اللي تروض كـل محـدوده
ياناصر لايهمك للحقـوق الغاليـات حلـوق=توقف راعي العوجاء وتعرف ويش مقصوده
ولا يهضم حقوق اهل الكرم ياكود رجل البوق=على شانه ضعيف والردى من ترثت اجدوده
ماهو قادر يطاول للرجـال الطيبـه ويفـوق=جداه القول لو انـه عليـه يصـب مـردوده
يطيح بنار قرمن ضوها بالطايلـه مشعـوق=ويصبح من حطب نار الوفي وان شبت زنوده

غازي بن راشد
ابو بدر

صح لسانك وسلم بنانك والدي الغالي ابو بدر

وسلاااامتكم جميع

والف شكر تزفها اروقة وكل مافي العوده لكما والدي ابو بدر واخي عبدالله

تحيااااتي للجميع

ناصر
ظماالعشق