!!..( غدير العزّ )..!! بمناسبة العام الجديد1425هـ

[عبدالعزيز الدهمشــي]

بسم الله الرحمن الرحيم ..




بكل الحب ..



وبمناسبة العام الجديد 1425هـ ..


اعاده الله علينا وعلى الامه الاسلاميه بالخير والمسرات ..

سقاك الله يادار الولايف = سحابة خير.. تترك كل نايف
تدنّ رعودها عشرين ليله = وبرّاقٍ كما لمع الرهايف
يبلّ القاع ويوقّف عطشها = نزول المـــاء على الجدب الكسايف
تصير الارض عقب البيد..جنّه = ربيعٍ تتبعه كل الطوايف
ثمان سنين يبقى مثل ماهو = يداوي مالحق حدب النحايف
يداوي من .. من الدنيا تكدّر = ومن دمعه على خدّه ذرايف
ديار الخير.. عنوان المحبّه = وسام الطيب.. مزبن كل خايف
(غدير العزّ)..للي عاش ضامي = قراحٍ مروي يبْسَ الشفايف
ديارٍ حبها يسكن خفوقي = غرامٍ صادقٍ ماهوب زايف
إلى من جيتها يرتاح بالي = وإلى من رحت.. حاف القلب حايف
أحنّ لأرضها حنّ اليتامى = على أمٍ وسط بيض اللفايف
انا افدى ديرتي من بعد ديني = وروحي لاجلها ماهي حسايف
سعوديه.. وانا منها وفيها = قصر من دونها راع الزهايف
ديارٍ ماتوفيها القصايد = ولاتنصف مكارمها النصايف
سعوديه سعوديه دياري = ديار العز ياستر العفايف
مية عامٍ وخمس سنين مرّن = على توحيد دولتنا خفايف
سنة خمسٍ وعشرينٍ وأربع = ميه بعد الف بحساب الصحايف
تطقّ ابوابنا وتقول: " يالله = تحفْظ الدين في دار الولايف"
تحت حكم الملك عشنا بعزّه = جنوب وغرب في مكه وطايف
شمال وشرق.. نهتف بالمحبّه = ولا فينا من الصاحين سَايَفْ
عسالله يحفظ الامن بوطنّا = ويحفظ من عَلَى روس النوايف
فهد هو درعنا وحده فهدنا = شجاعٍ مرويٍ حدّ الرهايف
رفيع الراس.. دام اني سعودي = عريب الساس.. زاهي بالوصايف
وفي ختم القصيده اشكر الله = عظيم الشان خلاّق الطوايف
ذكرت اللي سكن داخل خفوقي = بلا زيف وبلا كذب وكلايف

عبدالعزيز الدهمشي