من وحي الخيآل
والا
لاطفـــــله ليْ
/
الأطفآل (الوقت الحالي) اذا اراد ان يقول لك (لا) يعبر بــ (ماني)
من هنآ
بدأ تلميذكم الحكآيه
/
ياطفلتـي رسمـت فيـك المعــاني =قــولي هدب وارد انا كلّـي عيـون
يبه تعـالي واسكنـي فـي حنـاني =افــرد لك ضلـوعي عسـاهم يكفون
يبه تعـالي ولـو تقـوليــن ماني !! =أقـول افـدى مـاني اللي يقــولون
خلاص روحي واجمعي القحـويـاني =وخليـه يتبعثـر ويرسـم لك مـزون
روحـي إلعبـي تنبئي بالامــاني =أبي بـرائة ضحتـك تبـهج الكــون
إيه إلعبـي بالطيـن وابني مبــاني =استآنسي وشكـرآ لضحـكك وممـنون
وإن ضاقـت الدنيـآ تعـالي مكآني =خفوقي وســآدتك وضلـوعي حصون
يبه آتعشـم فيـك فــرحة زمـآني =واقـول مايقـدر عليـك العنا يمــون
ماكنت اشـك إن الـزمـآن الأنـاني=يقسى عـلى طفـله ويسفط لها الهون
لين انكسـرتي في غضـون الثواني =فقدتي أم .. ومـآت والـدك مغـبـون
ياويــل كلمـه مانطقـها لسـاني =صـآحي وكنـّي من معانتْـك مجنـون
يبـه توقعـت إتحميـك المحـاني =ماكنت اضـن بحضـرتك لحظه تخون
بس اخذلتـني في زمـآنٍ عصآني =أهـانة الفرحـه وخابت بهـا ضنـون
يوم انكسـرتي صوت حزنك دعآني =تعآل زمـلّ هم في الصـدر مسجـون
يوم انكسـرتي صآحت اسعد اغاني =وشلون اغني الفرح وشلون وشلوون؟
كل شئ تكسـّر يوم صوتك كسآني =كن صوتك الامواج والقلب فــرعون
وضآقت على قلبي جميـع المواني =ولابقى من لون ضحك الـزمن لـون
باقي اقـول ضلـوع صدري أماني =انك تجين بوسطهآ وتصبح إحصـون
طشي بها دلّوك وجرّي السـواني =حبـالها عـروقـي وقلبي لك عيون
اسقيـك دمي لو تقـولين مـاني =أقـول أفدى ماني اللي يقولون
/
/
الإهداءات
العرض العادي
المواضيع المتشابهه
